जापानमा त्यहाँको उपल्लो सदनका सदस्य चयनका लागि मतदान जारी रहेको छ। गत दश महिना देखि सत्तामा रहेको सत्तारुढ दल डेमोक्रयाटिक पार्टी अफ जापान अर्थात डिजेपीलाई चुनावमा धक्का लाग्ने पूर्वानुमान गरिएको छ।

यो निर्वाचनलाई भर्खरै सत्तामा आएका प्रधानमन्त्री नाओतो कानको परिक्षणका रुपमा पनि हेरिएको छ। आजको मतदानमा उपल्लो सत्तारुढ दलले सदनका लागि प्रतिनिधीत्व गर्ने पचास प्रतिशत सांसदले पद गुमाउने अनुमान गरिएको जानकारी अर्न्तराष्ट्रिय संचार माध्यमहरुले दिएका छन्। उपल्लो सदनमा अल्पमतमा परेमा  डिजेपी सरकारलाइ विधेयक पारित गर्न समेत समस्या हुने भएकाले संसदमा गतिरोध पैदा हुन सक्ने विश्लेषकहरु बताउँछन्।

 नयाँ चुनावपछि डिजेपीलाई नयाँ सत्ता साझेदारको खोजी गर्नु पर्ने समेत केहीको अनुमान छ। गत डिसेम्बरमा भएको आमनिर्वाचनमा दशकौ देखि सत्तामा रहदै आएको लिबरल डेमोक्रयाटिक दललाइ पराजित गर्दै डिजेपी भारी मतका साथ सत्तामा आएको थियो। तर सो चुनाव पछि सरकारको नेतृत्व गरेका युकुयो हातोयामाले चुनावी प्रतिबद्धता पुरा गर्न नसकेको भन्दै पदबाट राजिनामा दिनु भएको थियो।