प्रधानमन्त्री चयनका लागि शुक्रबार भएको दोश्रो चरणको निर्वाचनमा पनि दुवै प्रत्यासीले वहुमत पुर्‍याउन सकेनन्। निर्धारित समयभन्दा ६ घण्टा ढीला गरि करिव सात वजे तिर सुरु भएको निर्वाचन प्रक्रियामा एकीकृत माओवादीका तर्फबाट उमेद्वार वनेका अध्यक्ष पुष्पकमल दाहालले २ सय ४१ मत प्राप्त गरे। उनको विपक्षमा एक सय १३ मत परेको थियो भने २ सय १८ सांसद तटस्थ वसेका थिए। 

यसअघि बुधवार भएको निर्वाचनमा दाहालले २ सय ४२ मत प्राप्त गरेका थिए। त्यसैगरि नेपाली कांग्रेसका तर्फबाट प्रधानमन्त्रीका उमेद्वार बनेका रामचन्द्र पौडेलले १ सय २३ मत मात्रै प्राप्त गरे। उनले पाएको यो मत पनि वुधवारको भन्दा एक मतले कम हो। उनको विपक्षमा  २ सय ४३ मत परेको थियो भने २ सय १४ सांसद तटस्थ रहेका थिए। 

अब दलहरुबीच अप्रत्यासित सहमति नभए प्रधानमन्त्री चयनका लागि साउन सत्र गते तेश्रो चरणको निर्वाचन हुने भएको छ। शुक्रबारै वसेको संसदको कार्यब्यवस्था समितिको बैठकले साउन सत्र गते दिउसो चार वजेका लागि तेश्रो निर्वाचनको मिति तय गरेको हो।